Associação Caboverdiana e un di kes lugar di Lisboa, a par di B.Leza, na undi ta kustuma konsentra kabuverdianidadi (N debia flaba kabuverdianus ma nu sabe ma nen senpri é ka mesmu kusa). Na kel bran bran di imigrason li, txeu bes nu ta skese di certus kusa ki ta faze-nu kel ki nôs nu e. Y un di kes kualidadi ki nos kabuverdianu nu tem é di kolesiona sonhus ku sakrifisu, na kel kaminhu xei de terra ku pedra ki Deus kumesa ta mostra-nu logo na primeru dia. Onti, Sr. Nhonhó Hopfer parce ku se disku «Nhara Santiago» k'e toma inda fresku di iditora. Kau ki staba se irmon José Luis Hopfer (pueta), José Luis Tavares (ôtu pueta) y kompanhia lda. Nu foi, talvez, di kes primeru a sukuta albun ku algum atenson. Ten nel kes kantiga ki dja dura nu ka ôbi y ki ta faze-nu lenbra nos condison di kabuverdianu. N atxa-l un albun xei di karáter y di personalidadi. Na un fonti ki ka ta kaba N.H. fâze um skodja interesanti di kantigas ki ta poi kel disku li na linha di um «rivivalismu» (na giria musical) di musica téra, sen trai kel verson original. É moda un palimpsestu na undi nu ta konsigui ôdja, inda, un sinal di tempu ki dja pasa. Sima êl mesmu e fla «kel disku li é um actu kultural» sen intenson di lucro ó di kaprixu.
Pa mi é um albun cool, ku kes musika ki ta lembra-m kel bóka tardi, kantu N ta xintaba na solera di porta ta sumara tenpu.
Sem comentários:
Enviar um comentário